ACARA ULANG TAHUN

 

 

 

 

ACARA KEBAKTIAN

UCAPAN SYUKUR DAN ULANG TAHUN

KE  90 TAHUN

 

(....GOAR NA ULANG TAHUN),

 

 

TEMA

Di tanganna siamun do ganjang ni umur, jala di hambirangna do hamoraon dohot hamuliaon.

(Poda 3:16)

 

 

 

 

 

 

 

 

 

 

 

KAMIS,30 DESEMBER 2021

GKI SUMUT BATUBINUMBUN, MUARA,  TAPANULI UTARA

 

 

ACARA KEBAKTIAN  UCAPAN SYUKUR DAN ULANG TAHUN  KE  90 TAHUN (....GOAR NA ULANG TAHUN),                               TEMA   : Di tanganna siamun do ganjang ni umur, jala di hambirangna do hamoraon dohot hamuliaon. (Poda 3:16) KAMIS, 30  Desember 2021 Ketarangan:      U: Uluan       R: Ruas          Jou-jou tu Parsombaon tu Debata
U	:	Horas ma di hita saluhutna. Hamuna angka dongan na hinaholongan, tama do hita mandok mauliate tu Debata Pardengganbasa i, ala sude asi ni rohaNa na mangiringiring hita ganup marsadasada, gabe tarbahen hita marlas ni roha. Di hamu saluhutna na marlas ni roha di bagasan tingki on, tama do hita mandok mauliate siala saluhut pambahenan dohot Asi ni Rohani Debata  na tu hita tarlumobi tu hamuna keluarga nadison. Ibana do na mangiringiring langkamuna, diramoti do hosamuna, dipahisar pamatangmuna, diurupi hamu uju ro hagogotan. Ibana do na manumpak saluhut ulaonmuna, laos Ibana do na mangalehon ganjang ni umur dohot sude ragam ni pasupasu na mauliutus. Tongon sadarion Inang (....Goar na ulang tahun), marumurma 90Taon, Dibaheni marlas ni roha ma hita, taolophon ma nasa pambahenanNa. Taparade ma roha ta laho ro tu adopan ni Debata. Martangiang ma hita ganup dibagasan rohatta.
Marende B.E. No. 9 :1-2+6, Hupuji Holong Ni Rohamu
1. Hupuji holong ni rohaMu O Tuhan Jesus Rajangki/ Tu Ho hulehon ma tondingku Ai i do pinangidoMi/  Huhalupahon ma diringku Mamingkir holong ni rohaMu 2. Sai dilului Ho do ahu Au pe huhalungunhon Ho/ Ditaiti rohaMi rohangku Dibahen i hulehon do/ Dipillit Ho hian tondingku I pe hutodo Ho Tuhanku 6. O Jesus uhir ma goarMu Torang bagas tu rohangkon/ Asa tarsurat di jolongku Holong ni rohaMi tongtong/ Hatangku ro di parangengku Ingkon dipuji do goarMu
3.      Votum + Tabe
U		:	Ianggo dang Debata namangurupi hita
R		:	tung ambolong do ngolunta jala marisuang do sude nataula siganup ari.
U		:	tapuji ma Debata naso pasumbuhon hita manabu tu hamatean.
R		:	umbahen ngolunta malua sian i.
U		:	Masuk ma Hita, Rap ma hita mangauhon jala tahatindangkon:  Ianggo pangurupion di hita, holan dibagasan goar ni Jahowa na manopa langit dohot tano on.
R		:	Marolop-olop ma tondinta ro disaleleng ni lelelengna.
U		:	Jalo hamu ma tebe: Asi ni roha na sian debata Ama, dohot holong na sian AnakNa, Tuhan Jesus Kristus mengaramoti hita saluhutna. Amen
R		:	Amen
4.      Marende BE. No. 903 : 1-2,  Dipardalanan Jesus di jolongku
1.       Dipardalanan Jesus di jolongku, holong ni tanganMi manogu au / nang di ngolungku Ho do sombaonhu, tung sonang mardalan raphon au. / huboto do tangkas panoguonMu, diiringiring Ho do langkangki. / Sahat ro di ujung ni pardalanhu, togu ma au jonok tu lambungMi. 2. Sipata lilu haporseaonhu, nililianan ni portibi on. / Alai dung Ho hutatap, o Tuhanhu, margogo do au on di ngolungkon. / huboto do tangkas panoguonMu, diiringiring Ho do langkangki. / Sahat ro di ujung ni pardalanhu, togu ma au jonok tu lambungMi.
Tangiang : Sian Majelis Jemaat
6.      Marende   B.E No. 213:1, Dung Sonang Rohangku
1. Dung sonang rohangku dibaen Jesus i Porsuk pe hutaon dison Na pos do rohangku di Tuhanta i Dipasonang tongtong rohangkon Sonang do, sonang do Dipasonang tongtong rohangkon
Tangiang : Sian hasuhuton
Marende B.E. No. 3 : 3    Puji Jahowa Ale Tondingku
3. Martua halak na niondingan ni Debatanta Jahowa i. Angka na hot marhaporseaon, di Jesus Kristus Tuhanta i. Molo Debata donganmu, ndang adong hurang tuamu. Haleluya, Haleluya.
Tangiang : Sian hula-hula
Marende B.E. No. 211 : 1 “Tuhan Jesus Siparmahan”
1.Tuhan Jesus siparmahan, au birubiruNa do.   Jesus gok di Ho rohangku, sai ihuthononhu Ho.  Sai ihuthononhu Ho, sai ihuthononhu Ho. Jesus gok di Ho rohangku, sai ihuthononku Ho.
Renungan di panogunoguon ni Debata
U		:	Sangonari Tabegema Jolo Kesaksian Pardalanan ni Ngolu ni Inang (....Goar na ulang tahun)
			Na Ulang Tahun menyaksihon Secara Singkat Pardalanan ni Ngoluna
U		:	Di na tahalashon ari sadari on, tarlumobi di gok ni las ni roha ni keluarga na marulang tahun sadari on, lam patar do di hita pangaramotion ni Debata di sandok pardalanan ni ngoluna. I do umbahen na didok Debata:
R		:	Marende ma Ahu nuaeng taringot tu hasianku, sada ende ni haholonganku taringot tu porlak anggurna: Marporlak anggur do hasianku di punsu ni sada dolok na napu.(Jes.5: 1)
U		:	Jala dipangkuri, jala dijomputi angka batu sian i, jala disuanhon lopok na denggan tu si, jala dipauli sada tungkup di tongatongana, jala dihali sada pangilangan di bagasan, paimahon parbue na tonggi (Jes. 5: 2a).
Keluarga Na Ulang Tahun: Nunga dibasabasahon Ho tu au hangoluan dohot asi ni roha, jala panatapMu mangaramoti hosangku. (Job 10: 12).
U		:	Matua di  halak  natuatua  do  luluan habisuhon, jala halak sigodang umur panungkunan poda. (Job 12: 12).
Keluarga Na Ulang Tahun:  On do las ni rohangku na umbolon: Molo hubege, diparangehon angka anakkonku hasintongan i. (3 Joh. 1: 4).
U		:	Ummarga do i sian angka mutiha, jala sandok arta hasoloan ni roham, ndang tarpatudos tu si. (Poda 3: 15).
Marende No. 904: 1        “Gok Las Ni Roha Do Au”
1.      Gok las ni roha do au di ngolungkon, di ngolungkon di ngolungkon, Gok las ni roha do au dingolungkon tongtong di rohangkon, Mauliate gok las ni roha, maringan holongMi Tuhan di au. (2x)
Tangiang Pangondianon (Doa Syafaat)
JAMITA
a.      Majaha hata ni Debata Sian Poda  3:16
U		:	Di tanganna siamun do ganjang ni umur, jala di hambirangna do hamoraon dohot hamuliaon.
		:	“martua ma halak naumbege Hata ni Debata, na umpeopsa jala namangulahon diabagasan ngolu singanup ari. Halelunya
b.			Renungan
c.			Tangiang dung jamita (saat Teduh)
d.      Pa			Pasahatton Kado Ulang Tahun sian Gereja Kristen Indonesia Sumatera Utara Jemaat Batubinumbun
Marende B.E. No. 188 : 1-5 (Papungu pelean) JAHOWA SIPARMAHAN AU
1. Jahowa Siparmahan au Ndang hurang manang aha. Ai nasa jea dipadao Do sian dorbiana     Tongon dibaen na lomak i Lao pangoluhon tondingki Dibaen asi rohaNa 2. Ditogu au tu na tio Aek mata hangoluan. Dibaen do tondingki sio Di dalan hasonangan     Sabam rohangku do tongtong Saleleng au di tano on. Baen sangap di goarNa. 3. Di rura hamatean pe Ndang pola au tahutan. Ai disondangi do sude Sonang do au mardalan    Batahi dohot tungkotMi Do mangapuli rohangki. Ho do sitiopanku 4. Rade dibaen Ho meja i Di jolo ni matangku. Paadopadop musungki Na so habiaranku     Ulungku dimiahi Ho Panginumanku suksuk do. Binaen ni panumpakMu. 5. Tongtong do denggan ni basaM Jambarhu di ngolungku. Tongon do asi ni rohaM Mangihut di langkangku. Dung i dung suda bohalhi Sai ingananku jabuMi. Saleleng ni lelengna.
Pengutusan
U		:	Dongan sahaporseaon, nunga itahalashon pambahenan ni Debata naung sahat tu hita. Ipe tadai ma pambahenan ni Debata huhut marpanghirimon tu adopanNa.
R		:	Marlas ni roha  do hami dibahen  Ho  ale Debata,  Sai  pasupasu ma tongtong hami.
U		:	Na marsalpuan do angka partingkian ima angka ari, bulan dohot taon.  Alai ianggo asi ni roha ni Debata na hot do ro di salelenglengna di angka na manghaholongi Ibana
R		:	Sai parrohai ma hami mamilangi angka ariarinami, asa dapotan roha na bisuk hami.
U		:	Antong borhat ma hita tu halasan ni rohanta, sai saut ma angka na tasangkapi saluhutna, di ulaon Las ni roha sadarion dohot di angka ulaonta siganup ari.
Tangiang Pelean+ Ale Amanami+ Pasu-Pasu
R		:	AMEN….AMEN….AMEN

 

 

Pdt. Supriadi Siburian, M.Th, Majelis Jemaat dan Seluruh Jemaat GKI Sumut Batubinumbun  mengucapkan Selamat Ulang Tahun ke90 kepada

(....GOAR NA ULANG TAHUN).

Kiranya Penyertaan, Pertolongan,  Perlindungan Tuhan Tetap Menyertai Sepanjang Masa.