PENTINGNYA TATA GEREJA

PENTINGNYA TATA GEREJA

Suatu Geraja tidak boleh terlepas dari sebuah tata gereja. Setiap gereja tentunya mempunyai tata gereja tersendiri, yang berbeda dengan gereja lain. Jika suatau gereja tidak menaati tata gerejanya maka gereja tersebut akan tidak mempunyai aturan yang tetap, yang dapat berubah-ubah setiap waktu. 

A.    Pengertian Tata Gereja

Tata Gereja adalah suatu aturan yang disusun secara sistematis oleh suatu gereja atau beberapa gereja (masih dalam sinode yang sama). Dari sudut pandang hukum secara umum, tata gereja digambarkan sebagai hukum internal yang ada dalam gereja.

Pengertian tata secara umum adalah aturan (biasanya dipakai dl kata majemuk); kaidah, aturan, dan susunan; cara menyusun; sistem;^. Sehingga tata gereja dapat juga disebut aturan gereja, hal ini senada dengan pendapat Berkhof yang menggunakan kata tata gereja atau peraturan mengganti kata hukum gereja. J. L. Ch. Abineno, mengartikan Peraturan atau Hukum gereja adalah ilmu yang mempelajari dan menguraikan segala peraturan dan penetapan yang digunakan oleh gereja untuk menata atau mengatur hidup dan pelayanannya dalam dunia.

Jadi dapat disimpulkan bahwa tata gereja adalah suatu aturan yang disusun untuk menjelaskan, menata atau mengatur kehidupan gereja.

B.     Tujuan Tata Gereja

Adapun  tujuan dari peraturan dalam gereja adalah: Pendasaran eklesiologi terhadap aturan gereja memampukan gereja untuk melayani sesuai dengan hekakat dirinya dan dengan demikian gereja menjadi gereja yang nyata. Penataan diri yang sesuai dengan hakikat diri menjadikan proses pembangunan jemaat dapat berjalan dengan baik. Adanya aturan gereja jangan sampai menjadi batu sandungan bagi pembangunan jemaat. Hukum gereja menjadi alat bagi pembangunan jemaat.

C.    Otoritas Tata Gereja

Otoritas dari tata gereja sangat dekat hubungannya dengan Kitab Suci. Sama dengan Kitab Suci, tata gereja juga harus dipatuhi. Perbedaan keduanya terdapat pada Kitab Suci yang tidak dapat berubah sedangkan tata gereja dapat berubah. Sehingga gereja harus penuh tanggung jawab pada saat merumuskan tata gereja.

.

D.    Fungsi dan Manfaat Tata Gereja

1. Tata gereja dapat menolong gereja untuk memperhatikan tugas dan panggilan di dunia. Penyusunan tata gereja harus dapat memperhatikan proses urusan dalam komunitas gereja dan melihat bahwa fungsi peraturan gereja sesuai dengan Kitab Suci.

2.      Memampukan gereja untuk melayani sesuai dengan hakikat dirinya.

Tata  gereja  memampukan gereja untuk menyusun aturan sesuai dengan hekekat dirinya. Pengenalan diri yang baik memampukan gereja untuk tidak dengan mudah untuk mengambil alih aturan-aturan pemerintahan atau lembaga lainnya untuk menyusun aturan gereja. Dalam kesadaran ini gereja menata dirinya sehingga mampu melayani sesuai dengan hakikat dirinya. Dari sudut pandang ini terlihat bahwa adanya aturan dalam gereja merupakan sebuah komitmen iman gereja untuk menata diri dan melayani sesuai hakikat dirinya.

3.      Membantu gereja untuk mewujudnyatakan kehadirannya.

Pengenalan konteks pelayanan, kekayaan dan kebutuhan jemaat dapat terbaca dengan jelas di dalam tata gereja. Jabatan, persidangan, relasi, dan hal-hal lain yang diatur oleh aturan gereja disistimatisasikan sesuai pergumulan konteks pelayanan jemaat. Melalui proses ini gereja tidak hanya akan hadir tetapi menyentuh kebutuhan nyata dari anggotanya. Aturan gereja membantu gereja untuk mewujudnyataan kehadirannya. Tata gereja dapat menolong gereja untuk memperhatikan tugas dan panggilan di dunia. Penyusunan tata gereja harus dapat memperhatikan proses urusan dalam komunitas gereja dan melihat bahwa fungsi peraturan gereja sesuai dengan Kitab Suci.

4.      Bucer menulis tata gereja untuk menghentikan pengaruh ajaran dari bidat-bidat.

5.      Menjaga supaya pelayanan yang ditugaskan dapat berlansung dengan baik dan teratur.

6.      Untuk memelihara kesucian, kelancaran dan ketertiban pelayanan Gereja

7.      Mengatur hubungan-hubungan lahiriah dalam gereja sebagai lembaga dan hubungan antara gereja yang satu dengan yang lain dan antara gereja.

8.      Menjaga agar tidak  timbulnya salah paham dan kekacauan dalam satu gereja.

9.       Suatu tatanan hidup kegerejaan yang berkenaan dengan tata aturan keanggotaan dalam suatu gereja.

  

Daftar Pustaka

Abineno, J.L. Ch. Bucer dan calvin.  Jakarta: BPK Gunung Mulia, 1994.

Bolkestein, M.H. Azas-Azas Hukum Gereja. dit. oleh: P.W. Situmeang dan A. Simandjuntak. Jakarta: BPK Gunung Mulia, 1956.

P. Coertzen. Church and Order. Belgium: Peeters., dalam https://id.wikipedia.org/wiki/Tata_Gereja

http://id.wikipedia.org/wiki/Hukum_Gereja, Diakses tanggal 17, April 2015

Kamus Besar Bahasa Indonesia, Jakarta: Balai Pustaka.

ACARA JUMAT AGUNG (HARI HAMAMATE NI JESUS KRISTUS)

TATA IBADAH JUMAT AGUNG

GKI SUMUT BATUBINUMBUN

Tema: “JESUS MATE ASA MANGOLU HITA”

a. kebaktian

1. Marende BE. 86 SILANG NA BADIA BL. 67

1. Silang na badia i Ho do lombulombungki Maralohon dosa i Dohot pandelean i Di sude sitaonon i Ho ma lombulombungki

2. Nasa na huula i Ndang tau hasonanganki Nang ringkot pe rohangki Pola ro nang ilungki Holan asi ni rohaM Pangurupi o, Tuhan

2.      Votum + tangiang

Votum: Ianggo pangurupion di hita, holan dibagasan goar ni Jahowa na manopa langit dohot tano on, nasai manotong diangka na tinompa ni tanganNa, jala noso manadingkon angka na tinompa ni tanganNa.  Asi ni roha na sian debata Ama, dohot holong na sian AnakNa, Tuhan Jesus Kristus mengaramoti hita saluhutna.

  Martangiang ma hita: Ale Kristus, sondang hangoluan; di bagasan hagogoonMu, ditaon Ho do haberniton. Di bagasan habadiaonMu, ditaon Ho do insahinsak dohot reherehe. Di bagasan holongMu, dipelehon Ho diriM tu hau pinorsilang. Nuaeng, hupahusorhusor hami do di bagasan rohanami hauuse ni mudarMu dohot  bugangMu di hau pinorsilang pola sahat tu hamamateM.  Dibahen i hupangido hami tu Ho: Sai pargogoi jala pamonang ma hami maralohon musu i marhite panaonon ni Anak haholongan ni rohaM, Tuhan Jesus Kristus martangiang hami. Amen.

3.      Introitus / jamita patujolo

Hata ni Debata nagabe jamita patujolo dibagasan kebaktianta, 1 Korint 1:18-21

Ai haotoon do hata na taringot tu silang i di roha ni angka na laho mago; alai hagogoon ni Debata do i di hita na dapotan haluaon. Ai na tarsurat do: “Huagohon habisuhon ni na bisuk jala hubolongkon roha ni parroha.” Didia ma na bisuk? Didia ma sibotosurat? Didia ma parsinabul di tano on? Nda gabe haotoon habisuhon ni portibi on dibahen Debata? Ai mangihuthon habisuhon ni Debata, ndang ditanda portibi on Debata marhite dalan habisuhon; gabe dihalomohon Debata ma paluahon angka na porsea i marhitehite jamita haotoon.

4.      Merende BE. 449. Logu. 300. : Sai solhot tu silangMi.

1. Sai solhot tu silangMi, Jesus Ingananku. Mual na mabaor disi, I ma I nu mon ku SilangMi, Tuhanki I ma pujionku, Paima sogot sahat au, I endehononku,

2. Lao ma au tu silangMi, I haporusanku. Sai asi ma rohaMi unang tulak ahu. SilangMi, Tuhanki I ma pujionku, Paima sogot sahat au, I endehononku,

5.      Patik

Tebegema patik ni Debata Natarsurat di Yoh13:34-35. ³⁴  Patik na imbaru ma hulehon tu hamu: Naeng ma masihaholongan hamu; songon holong ni rohangku di hamu, naeng ma songon i dohot hamu masihaholongan. ³⁵  Apala sian on ma tandaon ni halak saluhutna, hamu siseanku: Molo masihaholongan hamu.

6.      Marende  BE. 416. BL. 403. : Tu joloM o Debatangku.

1. Tu joloM o Debatangku ! Sai use do rohangkon.

       Sai pasiat tangiang ku dohot ilu I lungkon.

2. Husolsoli do rohangku, na gok dosa I tongtong ;

      Ai godang ariaringku na hubahen ambolong.

7.      Manjaha Siatonon ni Jesus.

a.      Martangiang Tuhan Jesus di Getsemane (Lukas 22:39-46)

³⁹ Dung i laho ma Ibana tu balian, tu dolok Jetun, songon na somal; jala diihuthon angka siseanna Ibana.⁴⁰  Asa dung sahat Ibana tusi, ninna ma mandok nasida: Martangiang ma hamu, asa unang bongot hamu tu bagasan pangunjunan! ⁴¹  Anggo Ibana dipapulik ma dirina sian nasida, arga tuk dangguron batu, marsinggang ma Ibana martangiang songon on: ⁴²  Amang, aut olo ma Ho nian pasalpuhon siinumon on sian Ahu! Alai unang ma rohangku saut, roham ma! ⁴³  Alai diida Ibana ma surusuruan sian banua ginjang i, na margogoihon Ibana. ⁴⁴  Jala di parungkilonna i, lam digogo ma martangiang; jadi songon mudar na himpal do madekdek hodokna i tu tano. ⁴⁵  Jala hehe ma Ibana sian na martangiang i, mandapothon siseanna; jadi tarpodom ma nasida didapot, dibahen arsak ni rohanasida. ⁴⁶  Gabe ninna ma mandok nasida: Boasa ma tung modom hamu? Hehe ma hamu martangiang, asa unang hamu bongot tu pangunjunan!

b.                  Tartangkup Jesus (Markus 14:42-46)

⁴²  Hehe ma hamu; laho ma hita! Ndi, nunga ro na pasahathon Ahu! ⁴³Mangkatahon i dope Ibana, mamintor disi ma si Judas, sahalak sian na sampuludua i, jala rap dohot ibana torop halak na marpodang jala marlombutlombut, sinuru ni angka sintua ni malim, angka sibotosurat dohot angka panungganei.⁴⁴  Alai dipabotohon parjehe i hian partinandaan tu nasida, ai ninna do: Ia i na huumma, Ibana ma i, tangkup hamu ma i jala jamot ma boan hamu Ibana!⁴⁵  Mamintor didapothon ma Jesus, mandok: Guru! Laos diumma ma Ibana. ⁴⁶  Gabe dilaluhon nasida ma tangannasida tu Ibana laho manangkup.

c.                   Di joloni si Hannas dohot si Kayapas ( Johannes 18:12-14)

¹²  Dung i ditangkup angka soldadu dohot induknasida ro di angka naposo ni Jahudi ma Jesus, jala diihoti. ¹³  Jadi ditogihon ma Ibana jumolo tu si Hannas, i ma simatua ni si Kayapas, sintua ni malim di na sataon i. ¹⁴  I ma si Kayapas, naung mandok tu angka Jahudi: Dengganan do mate sada halak humongkop, bangso i.

d.                  Di jolo ni Rapot Godang. ( Lukas 22: 63-71)

⁶³ Alai anggo angka baoa na maniop Jesus, dipauruuru jala dilasahi do Ibana. ⁶⁴  Dibulang nasida do Ibana gabe disungkun: Manurirangi ma Ho: Ise i na mamastap Ho? ⁶⁵  Jala lan dope na asing dihatahon nasida tu Ibana laho mangaleai.⁶⁶  Jadi disi torang ari, marpungu ma rapot ni sintua ni bangso i, i ma angka sintua ni malim rap dohot sibotosurat; ditogu nasida ma Ibana tu harungguannasida. Ninna nasida ma: Anggo Kristus i do Ho, paboa ma i di hami!⁶⁷  Gabe ninna Ibana ma mandok nasida: Nang hupaboa i tu hamu, tong do so porsea hamu!⁶⁸  Alai molo manungkun Ahu, ndang tagamon alusanmuna Ahu.⁶⁹  Alai olat ni on ma hundul Anak ni jolma i tu siamun ni Hagogoon ni Debata.⁷⁰  Gabe saluhut nasida mandok: Asa Anak ni Debata do Ho? Jadi didok Ibana ma tu nasida: Songon na nidokmuna: Ahu ma i tutu!n⁷¹  Dung i ninna nasida ma: Pola luluanta dope sitindangi? Ai nunga apala hita umbegesa dihatahon Ibana.

e.                   Di jolo ni si Latus . ( Lukas 23: 1-6)

¹ Dung i hehe ma saluhut nasida na pungu i, mamboan Ibana tu jolo ni si Latus.

²  Dialuhon nasida ma Ibana, ninna ma: Na dapot hami do on pabalikbalikkon bangsonami jala mangorai mangalehon guguan tu Kesar i; dipandok, Raja Kristus do Ibana.³  Gabe disungkun si Latus ma Ibana: Ho do Raja ni Jahudi i? Jadi dialusi ma ibana, ninna ma: Songon na nidokmi ma tutu! ⁴  Dung i ninna si Latus ma mandok angka sintua ni malim dohot natorop i: Ndang adong dapot ahu sala ni Halak on! ⁵  Alai lam digogohon nasida do mandok: Digunturi Ibana do bangso i, ai sai mangajari Ibana di sandok tano Judea, mamungka sian Galilea sahat ro tuson. ⁶  Alai umbege i si Latus, manungkun ma ibana, manang halak Galilea Ibana?

f.                   Di jolo ni si Herodes ( Lukas 23:7-12)

⁷  Jala dung diboto, na sian gomgoman ni si Herodes Ibana, disuru ma Ibana tujolo ni si Herodes, ai tongon do ibana di huta Jerusalem uju i. ⁸  Marnida Jesus si Herodes i, las situtu ma rohana; ai nunga na nia lelengna, sai naeng idaonna Ibana, ala naung dibege baritana, jala diarop rohana, idaonna tanda sada sipatupaonna. ⁹  Jadi godanggodang ma disungkunhon tu Ibana; alai ndang adong dialusi Jesus ibana. ¹⁰  Disi do angka sintua ni malim ro di sibotosurat, jala gogogogo do Ibana dialuhon. ¹¹  Ia si Herodes rap dohot angka donganna, direhei jala dilealeai do Ibana, disolukkon ma pangkean na arga tu Ibana, laos songon i ma disuru Ibana mulak tu si Latus. ¹²  Jadi di na sadari i ma maraleale si Herodes dohot si Latus, ai na masihosoman do nasida anggo nasailaon.

g.                  Di uhum Jesus Marutang hosa  (Matius 27:22-26)

²²  Dung i didok si Latus ma tu nasida: Antong, aha ma bahenonku tu Jesus, na targoar Kristus? Gabe saluhut nasida, mandok: Parsilangkon ma!²³  Alai ninna panguhum i ma: Ai aha na jahat dibahen? Jadi lam gogo ma dipanjoujouhon: Parsilangkon ma!²⁴  Asa dung diida si Latus, na so marguna hatana, lam ganda tabe gaorna, dibuat ma aek mamburi tanganna di jolo ni natorop i, huhut mandok: Lias do ahu sian mudar ni On! Hamu do na sari disi!²⁵  Dung i ninna sude natorop i ma: Marsapata tu hami dohot tu ianakhonnami ma mudarna i! ²⁶ Dung i saut ma dipalua si Barabas; alai anggo Jesus dilinsingi, dung i dipasahat ma, asa diparsilangkon.

h.                  Di togu Jesus tu Dolok Golgata.(Matius 27:27-33)

²⁷  Jadi diboan angka soldadu ni panguhum i ma Jesus tu bagas paruhuman, diarahon ma sude dongannasida manahopi Ibana.²⁸  Ditanggal ma abitna, disolukkon ma tu Ibana baju dapdap.²⁹  Didandani nasida ma sungsang duri bahen tumpalna, diampehon ma i tu uluna; dilehon ma tolong tu tanganna siamun, dung i marsomba ma nasida tu jolona mangaleai Ibana, angka ninna ma: Tabi ma di Ho, ale Raja ni Jahudi!³⁰  Huhut ditijuri nasida Ibana, dibuat ma tolong i sian tanganna, dilotakkon tu uluna.³¹  Jadi dung sun dileai nasida Ibana, ditanggal ma sian Ibana baju dapdap i, disolukkon ma muse tu dagingna abitna hian, dung i ditogihon ma Ibana, asa diparsilangkon.³²  Alai laho tu balian jumpang nasida ma sahalak Kirene na margoar si Simon; i nama digogoi nasida mamorsan hau na pinarsilang i.³³ Jadi sahat ma nasida tu inganan na margoar Golgata (lapatanna: Partangkurahan).

i.                    Di parsilangkon (Johannes 19:18-24)

¹⁸  Disi ma diparsilangkon nasida Ibana rap dohot dua halak na asing di lambungna, angkup be; di tongatonga ma ia Jesus. ¹⁹ Alai disurat si Latus ma sada boaboa, dipalohot ma i tu hau i. On do hatana: Jesus, halak Nasaret, raja ni Jahudi!20  Jadi torop ma Jahudi na manjaha boaboa i, ai jonok tu huta i do hapajalan ni Jesus, jala tarsurat do i di hata Heber, di hata Rom dohot di hata Junani.²¹  Dung i didok sintua ni angka Jahudi ma tu si Latus: Unang surat i: Raja ni Jahudi; alai na nidokna i ma nian: Ahu do raja ni Jahudi!22  Dung i dialusi si Latus ma: Na husurat i, naung sinurat do i!²³  Asa dung diparsilangkon angka soldadu i Ibana, dibuat nasida ma angka abitna, diparopat ma i, di ganup soldadu sabagian be, dungkon ni sampesampena. Anggo sampesampe i ndang marpanjaruman, na ditonun sambing do i.²⁴  Gabe masipandohan ma nasida: Unang ma taribahi on, martondung ma hita taringot tusi, manang di ise i. Jadi jumpang ma Surat i, na mandok: "Dibagi nasida do abithu; tondung do didabu taringot tu sampesampengku." Asa songon i do pambahen ni angka soldadu.

j.                    Pitu Pandohan Ni Jesus Di Hau Silang

Ø    Hata na parjolo: Manesa dosa (Lukas 23:34)

“Ale Amang marparmuati ma rohaM mida nasida, ai ndang diboto nasida nabinahen nasida i.”

Ø    Hata na paduahon: Haluaon (Lukas 23:43) 

“Situtu do hatangKon tu ho: sadarion do ho rap dohot Ahu di Paradeiso”

Ø    Hata na patoluhon: Mandok mauliate (Johanes 19:26-27)

“Ndi ma, inang, anakmi!”

     “Ndi ma, inang, anakmi!”

Ø    Hata na paopathon: Sitaonon ni partondion (Matius 27:46)

“Ale DebatangKu, DebatangKu boasa tung tadinghononMu Ahu?” Eloi Eloi, lama sabakhtani)!

Ø    Hata palimahon: Sitaonon ni pardagingon (Johanes 19:28)

“Mauas Ahu!”

Ø    Hata paonomhon: Hamonangan (Johanes 19:30)

“Nunga marujung!”

Ø    Hata papituhon: Pasahathon tondiNa (Lukas 23:46)

“Amang! tu bagasan tanganMu ma Hupasahat tondingKu!”

k.                  Hamamate ni Jesus (Lukas 23:44-49)

⁴⁴ Jala mareak pungkul sampuludua, songgop ma na holom tu sandok tano i sahat ro di pungkul tolu.⁴⁵  Ai mangkolom ma mata ni ari i. Jadi maribak ma hirehire na di bagas joro i, bola dua.⁴⁶  Dung i marsoara na gogo ma Jesus, ninna ma: Amang! Tu bagasan tanganmu ma hupasahat tondingku! Jadi dung didok i, tos ma hosana.⁴⁷  Marnida na masa i letnan i, dipuji ma Debata, ninna ma: Tutu do, halak na tigor roha do On!⁴⁸  Jadi sude natorop i, na marluhut mainondur, masitompuk andorana, marnida na masa i, laos mulak ma.

⁴⁹  Alai mandaodao do jongjong saluhut angka na tumanda Ibana marnidasa, songon i angka parompuan na mangihuthon Ibana sian tano Galilea.

lambung ni Jesus di tusuk 

l.                    Jesus Dikubur (Lukas 23:50-56)

⁵⁰ Jadi adong ma sada halak, na margoar Josep, masuk rapot godang, parroha na burju jala na tigor.⁵¹  Ndang panolopi ibana di tahi dohot pambahenannasida; pangisi ni huta Arimatea na di Judea do, jala dohot do ibana maimaima di harajaon ni Debata.⁵²  Didapothon ibana do si Latus mangido bangke ni Jesus.⁵³  Dipaijur ma bangke i, dibaluti ma tu dagangan na halus, dipeakkon ma tu bagasan tanoman na niliang tu batu; na so dung adong dope peak manang ise disi.⁵⁴  Ari parhobasan do uju i jala jonok ma Sabbat i.

⁵⁵  Alai mangihut do angka parompuan, naung mandongani Ibana ro sian luat Galilea; dibereng nasida do tanoman i ro di parpeak ni bangke i. ⁵⁶  Dung i muli ma nasida paturehon angka na hushus ro di miak mir. Jala manipat ari Sabbat i, so nasida mangihuthon patik i.

8.                  Marende BE. 407. PANOTNOTI MA SILANG BL. 271.

1. Panotnoti ma silang ni Tuhanta I nama

Morsan sude dosami, tinggangkon sude arsak ni rohami.

Pasesahon sude dosami.So, jo,bereng I ! Panot-noti ma silang ni

Tuhanta I, ngolumi, ngolungki sian i.

9.                  Tangiang pangondian

            Martangiang ma hita tu :

Pribadi, Sude Ruas Ni huria ni GKI Sumut Batubinumbun,Sinode GKI Sumut (Ruas, Majelis, Pendeta, Klasis, Sinode), Para dokter dohot Medis namanangani Virus Corona,  Pemerintah, Keluarga,  Masyarakat asa mangulahon anjuran ni pamarenta.

10.              Jamita (renungan)

JESUS MATE ASA MANGOLU HITA

Raphon donganta sahaporseaon di sandok portibi on, Sadari on tapatupa do parningotan di hamamate ni Jesus Kristus. Marragam do sikap ni halak angka na patupahon sadasada parningotan. Sadari on ma parningotan di hamamate ni Tuhanta Tuhan Jesus na di dolok Golgata. Parningotan nama na di hita nuaeng. Alai nang pe parningotan goarna, hot do argana di hita, ai parningotan na manungguli rohanta do i marningot na tinaon ni Jesus, laho paluahon hita sian dosa dohot sian gomgoman ni hamatean i. Di hau pinarsilang i do dipaujung Ibana sude ulaonNa na tinurpukhon ni AmaNa i tu Ibana.

Molo tagombarhon angka pamerenganta, suang songon i halak parjahat na rap tarsilang na dua halak i, di Golgata i, tama ingkon malungun rohanta, ai hita hian do na ingkon dohot tarsilang ala ni dosanta na godang i. Hape tongon do angka sahitta diusung Ibana, jala angka pardangolanta diporsan; alai ianggo rohanta mandok: Debata do maminsang, mamungkul dohot pasipal Ibana. Hape ala ni pangalaosionta Ibana tartullang, binahen ni hajahatonta Ibana mabugang. Ampe tu Ibana pinsangpinsang parhitean ni hasonanganta, jala binahen ni bugangna malum itahilala. Dibahen i, ingkon sian nasa rohanta do mangalo dosa i, asa unang diparhatoban hita, jala unang mangonai tu hita na jumorbut sian i dope.

Alai taparrohahon, ianggo silang hangoluan i, i ma silang ni Tuhanta i. Na hinatindangkon ni si Jesaya i (Jes.53:4-5), i ma silang pardamean. Ai haotoon do taringot tu silang i di roha ni angka na laho mago, alai hagogoon ni Debata do i di hita na dapotan haluaon.  1 Kor.1:18, Ala ni i tabereng ma induk ni haporseaon i, jala na paujunghonsa, i ma Jesus na manonhon parsilangon, singkat ni las ni roha tohapna i hian so dietong i hailaon, gabe hundul di siamun ni Debata (Heb.12:2).

Silang pardengganan, pardamean tu Debata Ama i do ianggo silang ni Tuhanta i. Didok si Johannes do di 1 Joh.2:1-2. Molo tung adong na mardosa, adong do pangondianta tu Ama i, i ma Jesus Kristus partigor i. Ibana do pardengganan pasaehon angka dosanta, alai ndada holan dosanta, tung dohot do dosa ni sandok portibi on. Tu saluhut bangso do pasahatonna hangoluan i. Laos marhite sian Ibana. Kol.1:20 “Ala ni i molo taparrohahon silang ni hangoluan i, auhononta ma i tu ngolunta. Tapausungusung ma dibagasan dagingta tanda ni bugang ni Kristus, mandok asa sai tongtong ma hita mangolu dibagasan Ibana jala mate dibagasan Ibana, asa ai mate manang mangolu, mate jala mangolu di Tuhan i ma hita.

Sada nari dipaboa si Johannes do; Nunga marujung ! Nunga dipaujung Tuhanta sude ulaonNa di tano on, songon jolma Ibana. Di hau pinarsilang i do dipaujung parbadaanNa dohot ulok/sibolis i. Napinaboa ni 1 Musa 3: 15, Si Mateus dohot si Markus manurathon holan sada hata do i ma: “Eli, Eli, Lama sabachtani”, mandok: “Ale Debatangku, Ale Debatangku, Boasa tung tadingkohononMu Ahu? (Mat.27: 46); Mark.15:34). Dihilala Jesus, songon na ditadingkon Ama i Ibana. Jala sintong do i di tiki i. Ai aut sura unangmasa i, ndang adong huaso/ gogo ni Jahudi manangkup dohot mamparsilangkon Ibana, songon na nidok ni Jesus tu si Latus: “Ndang huasom, aut unang na dipasahat Damang Ahu tu ho. Na parpudi sahali didok Ibana ma marhite soara na gogo, ditingki pangholom ni mata ni ari i, di tingki ujung ni huaso ni na holom i : “Amang! Tubagasan tanganMu ma Hupasahat tondingKu,” Dung i tos ma hosaNa. Ndang boi huaso ni haholomon i ianggo taringot tu tondiNa. Songon na nidok ni Debata tu sibolis na mangido mangunjuni si Job; “Jadi do ianggo jamaonmu dagingna, alai ianggo tondiNa ndang jadi jamaonmu. Jadi mulak ma Tondina tu AmaNa Debata, paima hehe Ibana sian hamatean jala manaek muse tu banuaginjang pasadahon diriNa tu Ama i. Jadi soara, hata ni Jesus na sian Silang i, tung tangkas do soara holong, panghophoponNa do i di hita mangondihon hita tu Ama i, asa dijalo hita muse gabe ianakhonNa.

Maribak hirehire na di bagasjoro i. Adong do hirehire manang tenda di bagasjoro, i ma tenda parholangan ni bilut na badia dohot bilut na badia situtu. Holan sintua ni malim do na boi tusi. Alai marhite sian hamamate ni Jesus na maribak hirehire i, na marlapatan: Nunga dipadomu hamamateNa i hita dohot Debata. Mudar pardamean naung use di hamamateNa i ma na gabe pardameanta tu Ama i (Heber 9 : 1 – 28).

Marnida na masa i, letnan na manjaga na mamarsilanghon Tuhanta i, dipuji ma Debata, ninna ma: “Tutu do, halak na tigor roha do on! Didok surat ni si Mateus do di Mateus 27:24 “Alai dung diida induk ni soldadu i rap dohot angka donganna, na jumaga Jesus, lalo i ro di angka na masa i, mabiar situtu ma nasida ninna ma: “Tutu do on Anak ni Debata”, asa nunga tumingkos panandaon ni sipelebegu i di Jesus sian angka Jahudi dohot angka pangituai dohot angka parhalado ni halak Jahudi. Asa  tutu do gabe “Silang Hangoluan do silang ni Jesus i di angka na marnida dohot marrohahonsa dohot mangauhonsa”.

Silang  ima dalan na diporsan Jesus asa dapotan haluan saluhut jolma. Didalani Jesus do silang i dohot ias nang bulus ni rohaNa. Nangpe, dihilala rohaNa do sada haporluon naso tu Ibana do i, alai hasasaut ni lomo ni roha ni AmaNa do. Alai sadar do Ibana di ulaonNa di tingki na tarpajal i Ibana jala dituhuk Ibana do i saluhutna. Jesus na marsitaonon i, simbol hasesaan ni dosanta do. HamamateNa di hau pinorsilang i, ima sahali salelengni lelengna. Laos hamamateNa i do gabe patujolo ni haluaon jala simbol harajaon ni Debata. Harajaon i, ima: Parsadaan ni angka jolma naung tinobus ni Jesus marhite mudarNa na durus di silang i. Alani i, di Jumat Agung di parningotan hamamate ni Tuhan Jesus i hita, tatanda ma hadirionta diadopan ni Debata, dohot tongtong ma taingot jala taulahon, songon pandohan ni Apostel Paulus: "Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna, ai Debata do nampuna i" (I Korint. 6:20). Amen

Salam dan doa dari pendeta Jemaat untuk seluruh jemaat. Mari kita tetap berdoa, berpengharapan, dan beribadah dirumah. Dari Pdt. Supriadi Siburian.

11.              Marende  B.E. No.194 AUT SO ASI ROHAM BL. 62

2. Mauliate ma Di Ho o Debata Ala basaM

Sibahen dalan i Marhite AnakMi Tu banuaM

3. Anggiat ma holong Rohangku sai tongtong Burju tu Ho

Sai dongananMu au Manang tu dia lao sonang tutu

12.              Ale amanami + Pasu-pasu

 “ sai didongani jala dipasu-pasu Tuhan Debata ma hamu. Disondangkon Tuhan Debata ma bohina tu  hamu, jala di pasaorhon ma dameNa tu tonditmu. Amen

Ruas mengendehon: Amen (3X)

SELURUH MAJELIS JEMAAT MENGUCAPKAN

                                   SELAMAT JUMAT AGUNG 2020